🎙️Headsign გამოყენება საქართველოს ტრანსპორტზე და მისი მნიშვნელობა

Headsign, ასევე ცნობილი როგორც Destination sign, იგივე მარშრუტის სახელია, მას ტრადიციულად ვხვდებით საქართველოს საქალაქთაშორისო მიკროავტობუსებზე. საერთაშორისოდ აღიარებული პრაქტიკაა Headsign იყოს მარშრუტის საბოლოო დანიშნულების ადგილი, მაგალითად თუ მიკროავტობუსი მიდის ქუთაისიდან თბილისში, Headsign იქნება “თბილისი”.

მარტივად, Headsign უმარტივებს მგზავრებს სასურველი ხაზის პოვნას.

ასევე, მნიშვნელოვანია დასახელების სწორად განსაზღვრა, სათაური უნდა ახდენდეს საბოლოო დანიშნულების ადგილის მარტივ იდენტიფიცირებას, მაგალითად უნდა იყოს ქალაქის, დასახლების, უბნის, მიკროუბნის დასახელება, მნიშვნელოვანი ინტერესის ობიექტის დასახელება (სადგური, აეროპორტი, მოედანი, ბაზრობა, მოლი, პარკი)……

Headsign საქალაქთაშორისო მიკროავტობუსებზე საქართველოში

მიკროავტობუსის დანახვისას მარტივად შეგვიძლია გავიგოთ თუ სად მიდის მიკროავტობუსი (თბილისში).

ამ შემთხვევაში შეუძლებელია მიმართულების დადგენა, ჩვენ შეგვიძლია გავიგოთ, რომ ტრანსპორტი მცხეთა-თბილისის ხაზს ემსახურება მაგრამ იმის გაგება, თუ მცხეთიდან თბილისში მიმავალ მიკროავტობუსში ვჯდები, მხოლოდ გზის შესაბამისი მხარის ცოდნის შემთხვევაში შეგვიძლია.

რატომ არის მნიშვნელოვანი Headsign სწორად გამოყენება მნიშვნელოვანია ტრანსპორტზე იყოს სწორი სათაური, რაც დაეხმარება მგზავრებს მიმართულების მარტივად გაგებაში.
თბილისის სატრანსპორტო ქსელის სიმარტივიდან გამომდინარე, დამკვიდრდა სათაურის დაწერის არასწორი პრაქტიკა, ასევე სიმარტივის გამო, ეს არ წარმოადგენს დიდი პრობლემას ადგილობრივი მოსახლეობის უმეტესობისთვის, ვინაიდან ძირითადად ისედაც იციან ქუჩის რომელი მხრიდან საით მიდის ავტობუსი, ან ის, რომ ბაქნის მარცხენა მხარეს გამოვლილი მატარებელი სადგურის მოედნისკენ მიდის.

Headsign გამოყენება თბილისის ავტობუსებზე თბილისის ავტობუსებზე Headsign გამოიყენება “მცხეთა-თბილისის” მაგალითის მსგავსად, მოცემულ ფოტოზე ვხედავთ ავტობუსს რომლის Headsign არის “აეროპორტი — სადგურის მოედანი”, რეალურად, რეკომენდებულია აღნიშნული ავტობუსის მაგალითზე, სადგურის მოედანი — აეროპორტი მარშრუტზე Headsign იყოს “აეროპორტი”, შესაბამისად აეროპორტი — სადგურის მოედანი მარშრუტზე “სადგურის მოედანი”, როგორც ამ ფოტოშიც კარგად ჩანს, არსებული სათაური არასდროს ეტევა ჩარჩოში, ხოლო მორბენალი ტექსტის სახით, მითუმეტეს როცა ეს გრძელია, შეუძლებელია მისი წაკითხვა, განსაკუთრებით, კი მოძრავ ავტობუსზე.
აღნიშნულ პრაქტიკაშიც ხშირად არასწორად ხდება საწყისი და დანიშნულების წერტილის სახელების შერჩევა, ხშირად ის უბრალოდ ქუჩის ან საბოლოო გაჩერების დასახელებაა, მაგალითად “ბარათაშვილის ქ.” სადაც ალბათ სწორი იქნებოდა “ორბელიანის მოედანი”.

ტაბლოებზე, თბილისის ავტობუსის გაჩერებებზე სწორად გამოიყენება სათაურების სისტემა, ალბათ უბრალოდ საჭიროა ამ მოდელის ავტობუსის Headsignზე დანერგვა.

 აღნიშნულ ფოტოზე შეგვიძლია ვნახოთ გერმანის ერთ ერთი ავტობუსი, რომელიც მომენტალურად შეგვიძლია გავიგოთ, რომ მიემართება Mainz Hbf_სკენ (მაინცის ცენტრალური სადგური).

Headsign გამოყენება თბილისის მეტროში 

თბილისის მეტროში Headsign არ გამოიყენება, სათაურისთვის განკუთვნილ ადგილას ბოლო წლებია ვხვდებით წარწერას “Metro Tbilisi” ან “თბილისის მეტრო”, შეუძლებელია იდენტიფიცირება თუ რა მიმართულებით მიდის მატარებელი, აღნიშნულის გარკვევა შეგვიძლია ბაქანზე გამოკრული ნიშნებიდან.

Headsign ბერლინის მეტროში, მიმართულება: “Uhlandstraße”

Headsign კიევის მეტროში, მიმართულება: “Chervonyi Khutir”

Headsign გამოყენება საქართველოს მატარებლებზე აღნიშნულ ფოტოში ჩანს, რომ მატარებელი მიემართება ბათუმში, სასურველია მოხდეს სადგურის დაზუსტება, ამ შემთხვევაში “ბათუმი (ცენტრალური)”

გასათვალისწინებელია, რომ Headsign მხოლოდ თბილისი-ბათუმის ხაზზე გვხვდება. სხვა არც ერთ ხაზზე არ გვხვდება მატარებლის წინ განთავსებული სათაური, რომლითაც გავიგებთ თუ რა მიმართულებით მოძრაობს მატარებელი.

სხვა მატარებლების უმეტესობაზე, ვხდებით გვერდით დამაგრებულ ნიშანს, რომელზეც სრული მარშრუტის დასახელებაა, ამ შემთხვევაშიც შეიძლება განთავსდეს Headsign_ის მსგავსი წარწერა.

რეგიონალური მატარებელი გერმანიიდან, რომლის ბოლო გაჩერება “Düsseldorf Hbf” არის

ყველაფრის გათვალისწინებით, მნიშვნელოვანია მიმართულება დაეწეროს საერთაშორისო პრაქტიკის გათვალისწინებით, ეს დაეხმარება როგორც ქალაქის/ქვეყნის სტუმრებს, მარტივ ნავიგაციაში, ასევე საქართველოში მცხოვრებ ადამიანებს უფრო გაუმარტივდებათ ქალაქში/ქვეყანაში ურბანული ნავიგაცია და საზღვარგარეთ მოგზაურობისას ტრანსპორტით სარგებლობა.